सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -हमर देश के संविधान के अनुच्छेद 102, खंड (डी) के मुताबिक देश के संसद म कोनो भी निर्वाचित सदस्य ह आने देश खातिर निष्ठा देखाही त वोला सदस्यता के अयोग्य घोषित कर दिए जाही कहे गे हवय जी भैरा.
-अइसन मनखे ल तो तुरते च अयोग्य घोषित करना ही चाही जी कोंदा, जेन ह हमर संसद म आने देश के जयकारा करथे.. वोकर खातिर निष्ठा देखाथे.
-हव तुरते अयोग्य घोषित होना चाही, फेर एआईएमआईएम के प्रमुख अउ नवनिर्वाचित सांसद असदुद्दीन ओवैसी संग अभी ले मया-दुलार अउ नरमी काबर देखाए जावत हे तेन ह मोला समझ नइ आवत हे संगी.
-कोन जनी भई.. ओवैसी ह सांसद के रूप म शपथ लेवत बेरा ‘जय फिलिस्तीन’ के नारा तो लगाए रिहिसे.
-हव लगाए रिहिसे ना.. तभे तो मैं सुरता करत हौं के अभी तक वोला संसद के सदस्यता के अयोग्य घोषित काबर नइ करे गे हे?
