सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। ले देख ले जी भैरा.. घाम ह अभी रार मचातेच हे अउ एती लइका मन के स्कूल जाए के दिन आगे।
हव जी कोंदा.. ए नवा नियम ले तो बने मोला हमरे मन के बेरा म 1 जुलाई ले स्कूल खुलय तेने ह सही जनावय।
हव भई… कइसे गढ़न के नवा नवा चरित्तर गढ़त रहिथें, देख ले इही च बछर नंगते गरमी बाढ़ गे हे कहिके हफ्ता भर पहिली स्कूल मन के छुट्टी करे रिहिन हें, अब फेर वइसने लाहकत घाम म लइका मन स्कूल जाहीं।
सिरतोन आय.. मानसून ह घलो कते मेर लरघियाए बइठे हे, थोर बहुत गरमी ले राहत मिलतीस तेकरो सोर नइए।
हव भई.. मौसम वैज्ञानिक मन ए बछर 13 जून के राजधानी हबर जाही कहिके नाचत रिहिन हें, फेर ए मानसून ह तो अभी बस्तर ले घलो बुलके नइए।
हव जी.. चारों मुड़ा ले करलई जनाथे।
