सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -कतकों बेर हमर थोरके राजनीतिक चूक ह हमरे लोगन बर अलहन बरोबर हो जाथे जी भैरा.
-हव जी कोंदा.. अब बंगलादेश म हिंदू मन ऊपर होवत अत्याचार ल देखना.. हमरे देश के सेती बंगलादेश ल आजादी मिले हे अउ आज हमरे लोगन उहाँ दुर्दशा भोगत हें.
-सही आय.. 16 दिसंबर 1971 के हमर 3000 सैनिक मन के बलिदान संग देश लाखों लोगन के आन्दोलन के सेती पाकिस्तान ल वोला आजाद करे के घोषणा करना परे रिहिसे.
-उही बखत बंगलादेश के संविधान म अल्पसंख्यक मनला सुरक्षा देके प्रावधान हमर तत्कालीन प्रधानमंत्री ह करवाए रहितीस त आज उहाँ हिंदू मन के संख्या 25 प्रतिशत ले कमतिया के 5 प्रतिशत नइ होय रहितीस.
-सही आय जी.. वो बखत भारत के अहसान म लदकाय रिहिसे बंगलादेश ह, तेकर सेती इहाँ के प्रधानमंत्री के हर बात ल वो माने रहितीस, फेर हमर लोगन चूक कर बइठिन, जेकर परिणाम उहाँ के हिंदू मन संग जम्मो अल्पसंख्यक मन भोगत हें.
