सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -बॉलीवुड के महानायक अमिताभ बच्चन ल एक आगर चार कोरी बछर होय के बाद घलो काम करतेच रेहे के सेती कतकों झन हुदरे असन प्रश्न पूछ डारथें जी भैरा.
-काम तो लोगन ल जिनगी के आखिरी साँस तक करतेच रहना चाही जी कोंदा एमा पूछे सरेखे के का बात हे.
-हव जी सही आय लोगन ल जिनगी भर अपन काम बुता म सक्रिय रहना चाही.. अमिताभ बच्चन ह अइसन प्रश्न पूछइया मनला अपन ब्लाॉग म जवाब घलो अइसनेच दिए हें, उन लिखे हें- काम करव अउ वोकर कारण ल खुद जान जावौ.
-एकदम सिरतोन लिखे हे जी.. वो सरलग अपन काम म सक्रिय रहिथे तेकरे सेती आज तक स्वस्थ अउ टन्नक जनाथे, उहू कहूँ आने जॉंगरचोट्टा मन बरोबर काम बुता बर अलाली करतीस, त खटिया सेवई म ही वोकर जिनगी पहावत रहितीस अउ खटिया म ही पच के सिरा जातीस.
