प्रीतम कुमार साहू (गुरुजी), शासकीय प्राथमिक शाला कुरुद, भिलाई दुर्ग, (छ.ग)
जांजगीर फर्स्ट न्यूज़। आजादी के खातिर जेन, दे दीस अपन पऱान ल.!
आवव संगी सुरता करन, ऐसन वीर जवान ल..!!
घर दुवार ला छोड़, भारत भुइयाँ के गुन गाथे..!
सरदी, गरमी, बरसा सहिके, दुसमन ल मार भगाथे..!!
भारत भुइयाँ के माटी म, आँच नइ आंवन देवय.!
गोली खाथे छाती म, तिरंगा ल झुकन नइ देवय..!!
दाई ददा के इकलौता बेटा, देस के काम आइस हे.!
आजादी बर लड़िन लड़ाई, अपन लहूँ बोहाइस हे..!!
लहूँ देके जेन हर अपन, भुइयाँ के मान बढ़ाइस हे..!
अंग्रेज मन ल धुररा चटाके, देस आजाद कराइस हे.!!
आजादी के लड़ाई म संगी, कतको मुढ़ी कटाइस हे..!
तभे जाके भारत भुइयां, आजाद भारत कहलाइस हे..!!
