सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। केंद्रीय मंत्रीमंडल म ए बखत छत्तीसगढ़ ल फेर चुक्कुल म डार दिस जी भैरा।
चुक्कुल म कइसे जी कोंदा.. एक झनला राज्यमंत्री तो बनाय हे ना?
अरे.. उहू ह चुक्कुल म डारे बरोबर हे संगी.. राज्यमंत्री जेकर हाथ म स्वतंत्र रूप ले कोनो किसम के निर्णय ले के अधिकार नइ राहय तेकर बनाय ले का होथे… हाॅं भई कोनो ल केबिनेट मंत्री बनाय रहितीस त थोकिन बने जनाय रहितीस, ए राज्यमंत्री के पद मिले ले तो जादा मोला 20-ट्वेंटी विश्व कप म भारत ह पाकिस्तान ल 6 रन ले हरवा दिस तेन ल निक लागत हे।
हव भई तोरो कहना वाजिब हे, फेर मोला ए ताज्जुब लागत हे संगी के सिनियर सांसद मन के राहत ले नेवरिया ल कइसे पदवी म बइठार दिस ते?
मैं तो ए गुन के तरुवा धरत हौं संगी के हमर राज्य म जे मनखे ह पॉवरफुल केबिनेट मंत्री रिहिसे वोला अब सिरिफ ठकठक ले सांसद भर रेहे म कइसे जनाही?
