सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। मोबाइल म हेडफोन लगाके गोठ-बात करे अउ झकाझक गीत-संगीत सुनई ह अब अलहन हो सकथे जी भैरा।
अच्छा.. अइसे हे का जी कोंदा?
हव.. एकर ले कान म वायरल अटैक के खतरा हो सकथे.. अभी हमर बालीवुड के प्रसिद्ध पार्श्व गायिका अलका याग्निक ह एकरे सेती भैरी असन होगे हे।
वाह भई..!
अलका याग्निक ह अपन सब प्रशंसक मनला तेज संगीत अउ कान म हेडफोन लगाके सुने बर बरजत बताय हे के अभी कुछ सप्ताह पहिली वो ह हवाई जहाज ले निकलीस त जनाइस के वोला कुछू सुनावत नइए।
वाह भई.. सोहलियत अउ मजा लेके नॉव म बाढ़त ए रकम-रकम के जिनिस मन वाजिब म अलहन बरोबर हे जी… सिरतोन म अइसन मन के उपयोग थोकिन चेतलग बानी के करना चाही।
हव.. गायिका ह अपन प्रशंसक मनला अपन जिनगी ल फेर व्यवस्थित ढंग ले शुरू करत ले धीर धरे बर केहे हे।
