सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। फिल्मी परदा म भारी भरकम स्टंटबाजी कर के हवा म उड़ियाने वाले कलाकार मन जब यथार्थ के धरातल म आथें, त उनला जिनगी के असल परिभाषा समझ म आथे जी भैरा।
सिरतोन कहे जी कोंदा.. अब कालेच के बात देख लेना.. नवा नवा सांसद बन के आए कंगना रनौत ल चंडीगढ़ हवाई अड्डा म कुलविंदर कौर नॉव के महिला सुरक्षाकर्मी ह बने थपरा म बजा दिस कहिथें।
हव भई.. असल म वो महिला सुरक्षाकर्मी के महतारी ह किसान आन्दोलन म संघरे रिहिसे अउ कंगना महारानी ह किसान आन्दोलन म संघरे महिला मनला सौ सौ रुपिया म जाके बइठ जाथे कहिके हिनमान करे रिहिसे।
हां.. अधरे अधर हवा म उड़ियाने वाले मनला जमीनी हकीकत ह दिखथे कहाँ संगी, तभे तो वो मन अंते-तंते गोठियावत बकबकावत रहिथें।
हव.. एकरे सेती तो महिला सुरक्षाकर्मी ह वोला असलियत संग भेंट करवा दिस।
