सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -विपक्ष वाले मन काली गौ सत्याग्रह करत रिहिन हें जी भैरा.
-अब कइसे करबे जी कोंदा विपक्ष के तो ए बुता च आय..वइसे भी ठलहा बनिया हलाय कनिहा वाले कहावत ल सुने हावस नहीं.. भइगे इहू बपरा मन अइसने करत रहिथें, कभू एकर नॉव म धरना प्रदर्शन त कभू वोकर नॉव म सत्याग्रह उत्याग्रह.
-सत्ता ले उतरे के बाद तो सबके इही च गति होथे संगी.
-तभो ले रे भई.. बपरा मन छाता धरे बरसत पानी म सत्याग्रह करत रिहिन हें.. कतकों झन तो गाय के मुखौटा घलो लगाए रिहिन हें.
-एक बात ल महूं आकब करेंव संगी.. वोकर मन के गौ सत्याग्रह म गउ कम अउ राजनीतिक गोल्लर मन जादा दिखत रिहिन हें.
