सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -हमन किन्नर मनला मंगलमुखी मान के शुभ कारज म बलाथन अउ बधाई भेंट देथन जी भैरा, फेर मोला जनाथे के कतकों लोगन नकली किन्नर बनके हमर मन के भावना के दुरुपयोग करथें.
-हव जी कोंदा तोर कहना वाजिब आय, महूं अइसन कतकों झनला देखे अउ परखे हौं जे मन सिरिफ माँग जॉंच के खाए खातिर ही किन्नर के रूप धर ले रहिथे, जबकि वो मन वास्तव म किन्नर नइ होय, तभे तो ए मन कभू एक-दूसर ल नकली कहि के लड़त-झगरत घलो रहिथें.
-हव सही आय.. अब कालीच हमर रायपुर के देवेंद्र नगर म किन्नर मन के दू गुट म जबर मारपीट होगे, पुलिस ह एमा जुर्म दर्ज करे हे.
-अइसने मनला देख के किन्नर मन के संस्था मितवा के अध्यक्ष विद्या राजपूत ह एक पइत कहे रिहिसे के किन्नर बन के भीख मंगइया मनला असल म भीख दे के बलदा पुलिस के हवाले कर देना चाही.
