सुनना भैरा – गोठिया कोंदा “कोंदा-भैरा के गोठ” – सुशील भोले
जांजगीर फर्स्ट न्यूज़। -कड़क अउ बेखौफ छवि वाले विभाग के लोगन म कभू मानवीय छवि के दरस कर लेबे त अंतस ह जुड़ बोले कस निक जनाथे जी भैरा.
-हाँ ए बात तो हे जी कोंदा.. नरियर ह बाहिर ले ठकठका अउ भीतर ले कोंवर गुरतुर रहिथे तइसे कस जनाथे ना.
-हव जी.. काली रायगढ़ जिला के जंगल पहाड़ के बीच म बसे गाँव पारेमेर घुटरूपारा के गर्भवती सुष्मिता ल अस्पताल अमराय खातिर डायल 112 म तैनात आरक्षक विपिन किशोर खलको अउ वाहन चालक छोटू दास ह बॉंस के कॉंवर बना के ओमे बइठार के नदिया पहाड़ मनला नाहकत 3 किलोमीटर बोहे नहकाइन अउ सूझबूझ के साथ वोकर सुरक्षित प्रसव कराइन तेकर चारों मुड़ा वाहवाही होवत हे जी.
-होबेच करही संगी.. ए ह डायल 112 म तैनात कर्मचारी मन के कर्तव्यनिष्ठा के संगे-संग मानवीय संवेदना के ठउका उदाहरण आय, जे हा बिरले कभू देखे म आथे.
